2021-2022 ՈՒՍՏԱՐՎԱ ՄԻՋՈՑԱՌՈՒՄՆԵՐ

01.06.2022թ. ԵՐԵԽԱՆԵՐԻ  ՊԱՇՏՊԱՆՈՒԹՅԱՆ  ՕՐ

Հունիսի  1-ին  ԴԱԿ  Ալիսա  Սարգսյանի  նախաձեռնությամբ  և  դպրոցի  տնօրենության  աջակցությամբ  աշակերտների  համար  կազմակերպվել  էր  գեղեցիկ  միջոցառում՝  մրցույթներ  և  ժամանցային  խաղեր:

 

 

24.05.2022թ. ПРОЩАЙ  БУКВАРЬ

Ռուսերենի ուսուցչուհի Ն. Սարգսյանը և երկրորդ դասարանի աշակերտները պատրաստել էին գեղեցիկ միջոցառում «День букваря » թեմայով: Հանդեսը հագեցած էր գեղեցիկ կատարումներով,երգ ու պարով:Շնորհավորում ենք ռուսերեն լեզուն ճանաչելու իրենց առաջին քայլերը կատարած աշակերտներին:

 

Աշակերտների  գեղեցիկ  կատարումները  դիտելու  համար  սեղմեք  1, 2, 3, 4, 5:

03.05.2022թ. ՀՐԱԺԵՇՏ  ԱՅԲԲԵՆԱՐԱՆԻՆ

 

Հավերժության մեր ճամփան
Այբուբենն է մեսրոպյան.
ՈՒԺ է տալիս մեր բազկին,
Միասնություն՝ մեր ազգին:
Մայիսի 3-ին առաջին դասարանի աշակերտները հրաժեշտ տվեցին այբբենարանին: Նրանք իրենց թոթովախոս լեզվով ներկայացրեցին Այբուբենի ստեղծման պատմությունը, արտասանությամբ, երգով, պարով  ու  բեմադրությամբ  զարդարեցին  հանդեսը:
Դասվար՝  Նորա  Սարգսյան:

20.04.2022թ. ՍՈՎՈՐԵԼ  ԵՆՔ  ԱՆԳԼԵՐԵՆԻ  ԱՅԲՈՒԲԵՆԸ

 

Ապրիլի 20-ին անգլերենի ուսուցչուհի Կարինե Սիմոնյանի կազմակերպած հանդեսը նվիրված էր 3-րդ դասարանի աշակերտների կողմից անգլերենի այբուբենի սովորելն ավարտելուն, ինչպես նաև ուներ «Ամերիկայի հայ հայտնիները» խորագրով մաս, որը ներկայացրեցին բարձր դասարանների աշակերտները:

3-րդ  դասարանցիների  գեղեցիկ  երգը  դիտեք  այստեղ:

 

18.04.2022թ. ՔՐԻՍՏՈՍԻ  ՀԱՐՈՒԹՅԱՆ  ՏՈՆ — ԶԱՏԻԿ

 

Այս  տարի  հայ  առաքելական  եկեղեցին  ապրիլի 17-ին  նշեց  Քրիստոսի  հարության  տոնը՝ զատիկը: Այդ  առթիվ  ապրիլի 18-ին  մեր  դպրոցում  կազմակերպվեց  փոքրիկ  միջոցառում: Աշակերտներն  իրենց երգով ու պարով գեղեցկացրեցին տոնը, զարդարեցին Կյանքի ծառը և տոնական սեղանը:

Կազմակերպիչներ՝  ԴԱԿ  Ալիսա  Սարգսյան և  դասվարներ  Ն. Սարգսյան, Լ. Հովհաննիսյան, Շ. Գրիգորյան, Վ. Հովակիմյան:

Միջոցառման  տեսանյութերն  այստեղ  և  այստեղ:

 

 

07.04.2022թ. ՄԱՅՐՈՒԹՅԱՆ  ԵՎ  ԳԵՂԵՑԿՈՒԹՅԱՆ  ՏՈՆ

 

Մայրս,մեր հացն է մայրս,
Մեր տան աստվածն է մայրս…
Մայրության և գեղեցկության տոնն  իրենց  մայրերին  և  ուսուցչուհիներին  նվիրված գեղեցիկ  հանդեսով  նշեցին 1-6-րդ դասարանների աշակերտները:Նրանք  երգերով  ու  պարերով  ուրախացրեցին  բոլորին:

 ՖՐԱՆԿՈՖՈՆԻԱՆ  ՄԵՐ  ԴՊՐՈՑՈՒՄ

15.03.2022թ.ՖՐԱՆԿՈՖՈՆԻԱՅԻ  ՕՐԵՐԻ  ԲԱՑՈՒՄԸ

 

Այս  տարի  մեր  դպրոցում  ևս  նախատեսված  են  միջոցառումներ  նվիրված  Հայաստանում  ֆրանկոֆոնիայի  օրերին: Միջոցառումների  ցանկը՝  այստեղ:

«Ֆրանկոֆոնիան Հայաստանում և ամբողջ աշխարհում» խորագիրը կրող միջոցառմամբ  էլ  մարտի  15-ին  տրվեց  ֆրանկոֆոնիայի  օրերի  մեկնարկը  մեր  դպրոցում:  Ֆրանսերենի ուսուցչուհի Արփինե Զեյնալյանը ներկայացրեց ֆրանկոֆոն երկրների քարտեզը, երբ է Հայաստանը անդամակցել և այլ հետաքրքիր նյութեր:

 

Ֆրանկոֆոնիայի  օրերի  կապակցությամբ  ընկ.  Զեյնալյանը  երկար  դասամիջոցին  պարբերաբար  կազմակերպում  է  Ֆրանսիայի հայ մեծ  կոմպոզիտորների, երաժիշտների   ստեղծագործությունների  ունկնդրումներ:

 

 

31.03.2022թ.ՖՐԱՆԿՈՖՈՆԻԱՅԻ  2-ՐԴ  ՄԻՋՈՑԱՌՈՒՄԸ

 

Մարտի 31-ին ֆրանկոֆոնիայի միջազգային օրվան նվիրված միջոցառումների շրջանակում, ԶՊՄԿ  տնօրենության  աջակցությամբ,  կազմակերպվել էր էքսկուրսիա դեպի Գորիս քաղաքի ֆրանսախոսների մշակութային կենտրոն: Այնտեղ Ֆրանսիայի դեսպանատան կողմից կազմակերպվեց ֆիլմի դիտում և հանդիպում «SOS Chrétiens d’Orient» կազմակերպության ներկայացուցիչների հետ: Օգտվելով  առիթից  Էքսկուրսիայի ընթացքում աշակերտները այցելեցին նաև Ակսել Բակունցի տուն-թանգարան և Տաթև վանական համալիր:

Էքսկուրսիայի  պատասխանատուներ՝ ֆրանսերենի  ուսուցչուհի, գրադարանավար  Ա. Զեյնալյան, հայոց  լեզվի  և  գրականության  ուսուցչուհի  Տ. Գևորգյան, ԴԱԿ  Ա. Սարգսյան:

 

Էքսկուրսիայից  մի  ուրախ  դրվագ  դիտեք  այստեղ:

 

13.04.2022թ.ԱՎԱՐՏԱԿԱՆ  ՄԻՋՈՑԱՌՈՒՄ

Ապրիլի 13-ին կազմակերպված միջոցառմամբ եզրափակեցինք ֆրանկոֆոնիայի մեկամսյակը մեր դպրոցում: Երեխաները հանդես եկան ֆրանսերեն խոսքով, բանաստեղծություններով, երգով և ներկայացրեցին երկու բեմադրություն:Միջոցառումը կազմակերպված էր ֆրանսիական ոգով, դահլիճը լեցուն էր ֆրանսիական շնչով: Ահա  ներկայացումից  մեկ  դրվագ:

 

14.03.2022թ. ∏  ԹՎԻ  ՕՐԸ

ՅՈՒՆԵՍԿՕ-ի 40-րդ Գլխավոր կոնֆերանսը 2019 թվականի նոյեմբերին պի թվի օրը՝ մարտի 14-ը, հայտարարել է մաթեմատիկայի միջազգային օր: Մեր դպրոցում ևս կազմակերպվեց միջոցառում նվիրված ∏ թվին: Աշակերտները  ∏ թվի մասին  ներկայացրեցին  հետաքրքիր  փաստեր, ասույթներ:

Ուսուցիչ՝ Լիլյա Գևորգյան:

 

Միջոցառումից  մի  հատված  կարող  եք  դիտել  այս  տեսանյութում:

 

04.03.2022թ.  ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ  ՄԱՐԶԵՐԻ, ԵՐԵՎԱՆ  ՔԱՂԱՔԻ  ԵՎ  ԱՐՑԱԽԻ  ՀԱՆՐԱՊԵՏՈՒԹՅԱՆ ՀԱՆՐԱԿՐԹԱԿԱՆ ԴՊՐՈՑՆԵՐԻ 1-3-ՐԴ  ԵՎ 4-6-ՐԴ ԴԱՍԱՐԱՆՆԵՐԻ  ԱՇԱԿԵՐՏՆԵՐԻ  ՄԻՋԵՎ  2022 ԹՎԱԿԱՆԻՆ ԱՆՑԿԱՑՎՈՂ «ՍՊՈՐՏԼԱՆԴԻԱ» ՄԱՐԶԱԿԱՆ  ՄԻՋՈՑԱՌՈՒՄ

Մարտի  4-ին  անցկացվեց  սպորտլանդիայի  դպրոցական  փուլը, որին  մասնակցեցին  1-6-րդ  դասարանների  աշակերտները: Մրցույթն  անցավ  լարված, անզիջում  պայքարով: Իրենց  լավագույնս  դրսևորած  աշակերտներից  կձևավորվեն  համայնքային  փուլի  թիմերը:

 

 

ԹՈՒՄԱՆՅԱՆԱԿԱՆ  ՏԱՍՆՕՐՅԱԿ

 

25.02.2022թ. ԱՍՄՈՒՆՔԻ  ՑԵՐԵԿՈՒՅԹ

Հայոց լեզվի և գրականության ուսուցչուհի Մերի Ավանեսյանը  7-10-րդ դասարանների աշակերտների հետ կազմակերպել էր «Վերնատուն» խորագրով ասմունքի ցերեկույթ, որով ամփոփեցինք թումանյանական տասնօրյակը: Ցերեկույթը կրում էր
« Խնդրում եմ չծխել և գիրք չխնդրել» նշանաբանը, որը Հ. Թումանյանի առանձնասենյակի պատին փակցված հայտարարությունն է:

24.02.2022թ. ԹՈՒՄԱՆՅԱՆԻ ՍՏԵՂԾԱԳՈՐԾՈՒԹՅՈՒՆՆԵՐԸ  ՄԱՆՈՒԿՆԵՐԻ  ՆԵՐԿԱՅԱՑՄԱՄԲ

Թումանյանական տասնօրյակի կապակցությամբ 1-5-րդ դասարանների աշակերտները բեմադրեցին Հ. Թումանյանի հայտնի ստեղծագործությունները: Միջոցառումը հագեցած էր հայկական երգերով, պարերով:

Կազմակերպիչներ՝

դասվարներ՝  Ն. Սարգսյան, Վ. Հովակիմյան, Շ. Գրիգորյան, Լ. Հովհաննիսյան,

հայոց  լեզվի  և  գրականության  ուսուցչուհի  Տ. Գևորգյան,

ԴԱԿ   Ա. Սարգսյան

22.02.2022թ. ՄՈՒԼՏՖԻԼՄԵՐԻ  ԴԻՏՈՒՄ

Փետրվարի 22 -ին թումանյանական տասնօրյակի շրջանակներում կազմակերպվեց Հ. Թումանյանի ստեղծագործությունների հիման վրա նկարահանված մուլտֆիլմերի դիտում 1-5-րդ դասարանների աշակերտների համար:

Կազմակերպիչ՝ ԴԱԿ Ա. Սարգսյան:

 

21.02.2022թ. ԱՄԵՆԱՅՆ  ՀԱՅՈՑ  ԲԱՆԱՍՏԵՂԾԸ

1-4րդ դասարանցինեը շնորհավորեցին Ամենայն հայոց բանաստեղծ Հովհաննես Թումանյանի ծնունդը՝ նկարազարդելով նրա ստեղծագործությունները:

 

 

19.02.2022թ. ԳԻՐՔ  ՆՎԻՐԵԼՈՒ  ՕՐ

Փետրվարի  21-ին  գրադարանավար Ա. Զեյնալյանը  աշակերտական  խորհրդի  աջակցությամբ   գիրք նվիրելու օրվա կապակցությամբ կազմակերպել է փոքրիկ միջոցառում, որով, մասնավորապես , շնորհակալություն ենք հայտնում «Մուշ» ազգային խորհրդին՝ դպրոցին նվիրած հարուստ գրական պաշարի համար: Մաղթում ենք նրանց կանաչ ճանապարհ մեր սերնդին կրթելու, գիրքն արժևորելու գործում: Միջոցառման  շրջանակներում  աշակերտները  նաև  գրքեր  նվիրեցին  դպրոցին:

 

 

Նույն  օրվա  առիթով   դպրոցի ողջ անձնակազմը  միմյանց նվիրեց հայ և համաշխարհային գրականության ստեղծագործություններից:

 

 

ՇՆՈՐՀԱՎՈՐ  ՆՈՐ  ՏԱՐԻ  ԵՎ  ՍՈՒՐԲ  ԾՆՈՒՆԴ

Դեկտեմբերի  24-ին  դպրոցում  մեծ  եռուզեռ  էր: Սպորտ  դահլիճում  կազմակերպված  միջոցառման  ընթացքում  աշակերտները  ցուցադրեցին  իրենց  բազմաթիվ  շնորհները  Ձմեռ  պապին  և  Ձյունանուշին  լավագույն  ձևով  դիմավորելու  համար: Նրանց  ելույթներից  գոհ  մնացին  և՚  Ձմեռ  պապն  ու  Ձյունանուշը, և՚  ուսուցիչները, և՚  ծնողները: Դա  մի  գունագեղ  հեքիաթ  էր, որն  իրականություն  դարձավ  տնօրենության,  ԴԱԿ  Ալիսա  Սարգսյանի, ռուսաց  լեզվի  ուսուցչուհի Ն. Սարգսյանի  և  աշակերտուհի  Հեղինե  Իսրայելյանի  ջանքերով:

 

 

06.12.2021թ. ՆՈՐ  ՏԱՐՎԱ  ՏՈՆԱԾԱՌԻ  ԶԱՐԴԱՐՈՒՄ

Այսօր տեղադրեցինք Նոր տարվա տոնածառը: Աշակերտներն այն զարդարեցին իրենց պատրաստած խաղալիքներով:

 

25.11.2021թ. «Տաք  սնունդ»  ծրագիր

2021 թվականի նոյեմբերի 25-ից դպրոցում վերագործարկվել է «Տաք սնունդ» ծրագիրը, որից օգտվում են տարրական դասարանների 29 աշակերտներ: Նոր մենյուն լրացվել է աղցանով և թարմ մրգերից պատրաստված կոմպոտով:

 

18.11.2021թ. ՑՈՒՑԱՀԱՆԴԵՍ «ԱՇՈՒՆՆ  ԻՄ  ԱՉՔԵՐՈՎ»

                                        ԹԵՄԱՅՈՎ

Դպրոցում կազմակերպվել է ցուցահանդես «Աշունն իմ աչքերով» թեմայով, որին մասնակցել են տարրական դասարանների աշակերտները: Նրանք մեծ ոգևորությամբ ներկայացրեցին իրենց ձեռքով պատրաստած աշխատանքները: Կազմակերպիչներ՝  տարրական  դասարանների  դասվարներ  և  ԴԱԿ  Ա. Սարգսյան:

 

 

21.09.2021թ. ԱՆԿԱԽՈՒԹՅԱՆ  30-ԱՄՅԱԿ

Սեպտեմբերի  22-ին  դպրոցի  բարձր  դասարանների  աշակերտների  մասնակցությամբ   հայոց  պատմության  ուսուցչուհի  Թ. Առաքելյանը  և  ԴԱԿ  Ա. Սարգսյանը  կազմակերպել  էին  միջոցառում  նվիրված  Հայաստանի  Հանրապետության  անկախության  30- ամյակին: Միջոցառման  ընթացքում  հիշատակվեցին  անկախության  հիմքում  կանգնած  գործիչները: Աշակերտները  հիացրեցին    ազգային  երգերի  ու  պարերի  փայլուն     կատարումով:

ՍԵՊՏԵՄԲԵՐԻ  1

ԳԻՏԵԼԻՔԻ  և  ԴՊՐՈՒԹՅԱՆ  ՕՐ

 

       Ձագիկավանի    միջնակարգ    դպրոցի    դռները    կրկին   բաց   են  աշա-կերտների  առջև: Սկսվեց  նոր  ուսումնական  տարին  նոր  ակնկալիքներով  ու  սպասումներով: Տարին  դիմավորում  ենք  76  աշակերտներով: Այս  տարի  դպրոցական  առաջին   զանգը   հնչեց   4  աշակերտների համար, որոնց  ջեր-մորեն   ընդունեց    դասվար   Ն. Սարգսյանը: Անցած   ուսումնական   տարին  գերազանցությամբ        ավարտած        աշակերտները       պարգևատրվեցին  գովասանագրերով: